"GM Uzbekistan" ЁАЖнинг 2016 йил январда Россияда сотган автомобиллари сони 1269 тани ташкил қилди, деб маълум қилинмоқда Европа бизнеси уюшмаси автомобилсозлар қўмитасида. Бу кўрсаткич 2015 йил январига нисбатан 37 фоиз камроқни ташкил қилган.

Gentra модели Россияда январнинг энг харидоргир автомобиллари 25 талигига кирди ва 23-ўринни эгаллади. Бундай машиналардан 957 та сотилди, 2015 йил январда бу кўрсаткич 967 тани ташкил қилганди.     

"GM Uzbekistan"нинг Россия бозоридаги улуши январда 1,6 фоизни ташкил қилди ва 2015 йилдаги 1,7 фоиздан 0,1 фоизга камайди.

Умумий ҳисобда Россияда январда 81849 та янги енгил ва енгил тижорат автомобиллари сотилди (29,1 фоиз пасайиш). Энг кўп сотилган машиналарнинг етакчи ўнталигида 9 та ўринни Россияда ишлаб чиқарилган машина моделлари эгаллаган.