Канада бош вазири Жастин Трюдо Канада ҳарбий самолётлари Сурия ва Ироқда ИШИДга қарши зарбалар беришни тўхтатишини маълум қилди, деб хабар бермоқда Reuters ахборот агентлиги.  

Таъкидланишича, Сурия ва Ироқда ИШИДга қарши зарба бераётган Канаданинг 6 та самолёти Канадага қайтади.

Канада маълумотларига кўра, ИШИДга қарши операция 22 февралда якунланади. Бироқ шунга қарамай, 2 та самолёт кузатув ва битта самолёт ёқилғи қуйиш учун қолдирилади.

Шу билан бирга Ироқда курд қўшинларини тайёрлаш билан шуғулланувчи канадалик аскарларнинг сони 70 нафардан 200 нафаргача кўпайтирилади.