АҚШ президенти Барак Обама Япония ва Жанубий Корея етакчилари билан суҳбатда Шимолий Корея ҳукуматининг ҳаракатларига қарши ишончли жавоб беришга чақирди, деб хабар бермоқда Reuters ахборот агентлиги.

Обама Синдзо Абэ ва Пак Кин Хе билан телефон орқали суҳбатда БМТ Хавфсизлик кенгаши Пхеньянга қарши чоралар кўришни кўзда тутувчи резолюция қабул қилиши лозимлигини айтди.

Аввалроқ Жанубий Корея ҳукумати АҚШ ва Япония билан биргаликда Шимолий Кореяга қарши кучли ва самарали санкциялар қўллаш масаласини ишлаб чиқаётганини маълум қилганди.