Ўзбекистон давлат санъат музейида “Буюк тафаккур соҳиблари” номли кўргазма очилди

Жамият 09 Февраль 2016 1668

Ўзбекистон давлат санъат музейида ғазал мулкининг султони Мир Алишер Навоий ҳамда Заҳириддин Муҳаммад Бобур таваллуд топган кун муносабати билан “Буюк тафаккур соҳиблари” номли кўргазма очилишига бағишланган тадбир бўлиб ўтди. Унда Ўзбекистон Республикаси маданият ва спорт ишлари вазирлиги маъсул ходимлари, шоирлар, адабиётшунос олимлар ва талабалар иштирок этди.

Анжуманда сўз олганлар икки буюк шахснинг даҳоси ва улар қолдирган бой адабий мерос миллат маънавиятини юксалтиришда беқиёс аҳамиятга эга эканини таъкидлашди. Ўзбек миллий академик драма театри актёрлари Беҳзод Муҳаммадкаримов ва Мадина Мухторова ижросидаги саҳна кўриниши йиғилганларда катта таассурот қолдирди. Анжуманда янграган Навоий ҳамда Бобур ғазалларига басталанган қўшиқлар кўнгилларга хушнудлик бағишлади.

Шундан сўнг, кўргазма расман очилди. Унда тарихий реализм жанрида яратилган, ҳозирда музейда сақланиб келаётган Чингиз Ахмаров, Жавлон Умарбеков, Темур Саъдуллаев, Бахтиёр Бобаев каби таниқли рассомларнинг асарлари намойишга қўйилган. Рассомлар икки буюк сиймонинг моддий ва маънавий оламини чуқур ўрганиб, улар яшаган даврни ифодалашга ҳаракат қилишган. Шунингдек, кўргазмага келганлар XV-XVI асрларга оид турли экспонатлар билан ҳам танишишлари мумкин. Эслатиб ўтамиз, “Буюк тафаккур соҳиблари” номли кўргазма бир ой давом этади.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33146 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18595 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71594 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59137 Жамият
ЕЧЛ-2017/18 қуръасида саватчалар таркиби қандай бўлади?
15:04 622 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 3648 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 631 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар