Соғлиқни сақлаш вазирлиги бош бошқарма бошлиғи ўринбосари Д. Ҳасанова “Даракчи” газетасининг саволларига жавоб бераркан, тез ёрдам кареталари қанча муддатда сўралган манзилга етиб бориши талаб этилиши борасида тушунтиришлар берди.

“Тошкент шаҳрида Тез тиббий ёрдам станцияси – тез тиббий ёрдамга муҳтож беморларга, яъни фуқароларнинг соғлигига ёки ҳаётига хавф туғдирувчи тўсатдан келиб чиққан касалликларга, бахтсиз ҳодисалар, шикастланишлар ва заҳарланишларга 15 дақиқа, сурункали касалликлар билан оғриган ва бошқа касалликларга 30 дақиқадан 1 соат вақт ичида етиб бориш имконияти яратилган ҳолда ташкил этилган”, - деди мутахассис.

“Бир вақтда бир нечта чақириқ тушса ёки чақириқ берувчи чақириқ манзилини нотўғри берган бўлса, тез тиббий ёрдам бригадасининг кечикиб келишига сабаб бўлади”, - қўшимча қилди у.