Украина Олий суди раиси Ярослав Романюк 2015 йилда Украина Инсон ҳуқуқлари бўйича Европа судига мурожаат қилишлар сони бўйича етакчи бўлганини маълум қилди, деб хабар бермоқда "Укринформ" ахборот агентлиги

"Мен бир неча кун аввал Страсбургдаги сафаримдан қайтдим ва янги статистик маълумотлар ҳақида маълумот беришим мумкин. 2015 йил охирига Европа судида Украина томонидан берилган 64850 та мурожаат бўлган, улардан 13 850 таси, яъни 21,4 фоизи Украина фуқароларининг Украина давлатига қарши шикоятлари бўлган", деб айтди Романюк.

Романюкнинг таъкидлашича, Украина бу борада аввалгидек етакчи бўлиб қолмоқда. Бироқ шунга қарамай, кўпчилик шикоятлар номақбул деб топилган.

"Европа суди 2015 йил учун маълумотларни бермади, бироқ 2014 йилда Украина фуқароларидан Страсбург судига берилган шикоятдан 92 фоизи номақбул деб топилган", деб айтди Романюк.