Volvo компанияси янги V90 универсалининг илк расмий намойиши санасини маълум қилди. Янги машина 18 февралда Стокгольмдаги махсус тадбирда намойиш қилинади, сўнгра Женева автосалонига олиб келинади.

Volvo V90 машинаси SPA платформасида қурилади. V90 модели V70 модели ўрнига келади. Янги универсалнинг габарит узунлиги 15 сантимертга узаяди.

Дастлабки маълумотларга кўра, бошланғич босқичда универсалнинг мотор қаторига 4 цилиндрли,195 ва 235 от кучига эга дизелли моторлар ҳамда 320 от кучига эга бензинли мотор киради. Бундан ташқари, V90 гибрид куч қурилмаси билан ҳам таклиф қилинади, ундаги агрегатларнинг жами қуввати 407 от кучини ташкил қилади.

Шунингдек, универсалнинг "қувватли" ва барча йўллар учун мўлжалланган версиялари ҳам чиқарилиши мумкин.