АҚШ Олий суди АҚШ президенти Барак Обама стратегиясининг асосий элементи ҳисобланувчи, электростанцияларда карбонат ангидрид газининг атроф-муҳитга чиқарилишини чеклаш бўйича режасини блоклаб қўйди.

Суд Обама режасига қарши чиқаётган 27 штат, турли компания ва бизнес-гуруҳларнинг даъвосини 4 та маъқуллов овозига 5 қарши овоз билан қондирди. Ушбу қарор суд режанинг қонунийлигини ўрнатгунча унинг амалга оширилишини тўхтатади.

21 январда худди шундай қарорни Вашингтондаги Апелляция суди чиқарганди.

2015 йил августда Обама 2030 йилгача электростанциялар томонидан чиқариладиган карбонат ангидрид газларининг уч баробарга қисқартирилиши бўйича режасини маълум қилганди. Ушбу ташаббусга кўра, ҳар бир штат ўзининг режалаштирилаётган қисқартиришларга квотасини олиб, АҚШ Атроф-муҳитни муҳофаза қилиш федерал агентлигига меъёрларнинг амалга оширилиши бўйича ўз таклифларини тақдим қилишга мажбур эди.

5 февралда Обама 2017 йил учун бюджетни тайёрлаш доирасида нефть компанияларига бир баррель нефтга 10 доллар миқдорида солиқ солишни таклиф қилди. Солиқлардан тушган маблағлар транспорт инфратузилмаси ва экологик тоза технологияларни ишлаб чиқишни молиялаштиришга йўналтирилади. Гап, жумладан электромобиллар, ўзи бошқарилувчи транспорт воситалари яратиш ҳақида кетмоқда.