Буюк Британиянинг Ротерем шаҳрида икки эркак бомдод намозини адо этгани масжидга кетаётган 81 ёшли Муҳсин Аҳмед исмли мусулмонни дўппослаганликда гумон қилинмоқда, деб хабар бермоқда The Independent нашри.

Таъкидланишича, эркаклар қарияга ҳужум қилишдан олдин уни "бузуқи" деб аташган ва уни бир неча бор итариб, тепкилаб, бошига уришган.

Аҳмед оғир жароҳатлар ва мия шикасти билан шифохонага ётқазилган ва 11 кундан кейин вафот этган.

Прокурорнинг айтишича, эркаклар жиноят содир этиш пайтида спиртли ичимликлар ва гиёҳванд моддалар таъсирида маст ҳолатда бўлган ҳамда Аҳмедга ҳужум қилишдан аввал улардан бири таксичига ҳужум қилишга ҳаракат қилган ва уни ҳақоратлаган.

Эркакларнинг ўзлари ҳужум қилганларини инкор қилишмоқда, бироқ тергов маълумотларига кўра, Аҳмеднинг юзидаги пойабзал изи уларнинг бирига тегишли. Айни вақтда тергов давом этмоқда.