Япониянинг Mitsubishi Heavy Industries корпорацияси Mitsubishi Aircraft билан қўшма ҳамкорликда Япониянинг қисқа масофалар парвозига мўлжалланган Mitsubishi Regional Jet лайнерининг синов парвозларини қайта тиклади.

Мазкур синов парвозлари ноябрь ойида зарур техник жиҳозларнинг етишмовчилиги туфайли тўхтатиб қўйилганди, дея хабар бермоқда Киодо нашри.

Янги синов парвозлари Нагоя аэропорти базасида (Аити префектураси) ўтказилмоқда. Бу ҳисоб бўйича тўртинчи синов саналади. Бунгача 2015 йилнинг 27 ноябрида охирги синов учишлари амалга оширилганди.

Синовлардан кейин MRJ лайнерининг биринчи харидорларидан бири All Nippon Airways бўлиши кутилмоқда. Ташкилот 2018 йилнинг иккинчи ярмида мазкур лайнерлардан фойдаланиш имкониятига эга бўлади.

MRJ – сўнгги 50 йилдаги қисқа масофага парвоз қилувчи илк қайта ишланган япон самолёти саналади. Лайнер 1,5 мингдан 3,4 минг километргача парвоз қила олиши мумкин. Самолёт ўз бортида 90 нафар йўловчини ташиш имкониятига эга бўлади. MRJ лайнерини қайта ишлаш 2007 йилда бошланган бўлиб, шу кунга қадар тахминан 180 млрд иен (1,6 млрд доллардан кўпроқ) маблағ талаб қилган.

Mitsubishi Aircraft компанияси берган маълумотга кўра, уларда мазкур лайнер бўйича 150 млрд иенлик (1,4 млрд доллар) 407та буюртма мавжуд.