Россия фуқаролигига эга бўлган, асли америкалик боксчи Рой Жонс спортдаги фаолиятини якунлади. Бу ҳақда Жонс фахрий президенти бўлган «Патриот» промоутерлик компанияси спорт директори Дмитрий Лучников «Р-Спорт» нашрига маълум қилди.

Манба берган маълумотга кўра, Рой эндиликда асосий эътиборини мусиқага қаратади.

«Жанглар бўлмайди, биз унинг муштлашишини аниқ хоҳламаймиз. Шу билан Ройнинг карьерасини якунлагани айтсак ҳам бўлади.

Ҳозирда Жонснинг илтимосига кўра, Россияда унинг мусиқий фаолиятини ташкиллаштириш ҳаракатидамиз. Шунингдек, профессионал бокс бўйича Рой Жонс кубоги турнирларини режалаштирганмиз. Биз унинг адвокати билан ишлаяпмиз, ҳамкорликдаги тадбирлар учун шартнома тайёрлашни бошладик», — дея таъкидлаган Лучников.

Эслатиб ўтамиз, Рой Жонс 2015 йилнинг сентябрь ойида Россия фуқаролигини олганди.

12 декабрда Москвада бўлиб ўтган охирги жангида эса британиялик Энцо Маккаринеллига тўртинчи раундда техник нокаутга учраб мағлуб бўлган.