Туркияда икки йигит ўз синфдошидан музқаймоқ ва бир пачка пистани ўғирлагани учун 13 йиллик қамоқ жазосига маҳкум қилинди, деб хабар бермоқда The Daily Mail нашри.

Таъкидланишича, суд жабрланувчи бирор марта ҳам полицияга мурожаат қилмаганига қарамасдан, жазо ҳукмини чиқарган. Жиноий иш қўзғатилишига бошқа 6 ўқувчи билан конфетлар ўғирлаган болаларни қўрқитиб қўймоқчи бўлган ўқитувчилар сабаб бўлган.

Суд тафтиши бошланган вақтда айбланувчилар ҳали 14 ва 15 ёшда ва мактабда таҳсил олаётган бўлган. Суд жараёни 8 йил давом этганига қарамасдан, ҳозирда 22 ва 23 ёшли йигитларга айланган айбланувчилар мактабни битира олишган, улардан ҳаттоки бири университетга ўқишга кирган. Полиция уни имтиҳонга кетаётганда ушлаб олган.