“Зимбабве гўзали” танлови иштирокчилари Библия устида қасам ичадилар, деб хабар бермоқда Newsweek нашри. Шу йўл билан ташкилотчилар беҳаё фотосуратлар билан боғлиқ жанжаллар такрорланишининг олдини олишга умид қилмоқда. Охирги бир неча йил давомида ғолибалардан икки нафари яланғоч суратга тушганлари билан боғлиқ равишда кўтарилган жанжал оқибатида унвондан воз кечишга мажбур бўлган.

Энди иштирокчилар муқаддас китоб устида қасам ичиб, шу йўл билан на профессионал, ва ҳаваскор фотосессияларда ҳеч қачон яланғоч суратга тушмаганларини исботлаб беришлари керак бўлади.

Шунингдек, танлов иштирокчиларининг ўтмиши синчиклаб текширилади. Агар улар ўзларини “ноҳалол” тутгани аниқланса, уларнинг устидан судга бериш мумкин бўлади, деб баёнот берди Miss Zimbabwe Trust матбуот котиби Тендау Чирау.
2016 йилги ғолиба 16 апрель куни маълум бўлади.