Pishon Lab компанияси TappLock номли бармоқ изи орқали очиладиган “ақлли” қулфни тақдим этди. Қурилма 200та бармоқ изини сақлаб қолиш хусусиятига эга. Бу қулф эгасининг яқинлари ҳам бундан фойдалана олишига имкон яратади.

Қурилма бармоқ изини 0.8 сонияда текширади. TappLock Bluetooth 4.1 модули ва мобиль илова ёрдамида созланади. Унга 1200 мА/соат ҳажмли аккумулятор ўрнатилган. Компания берган маълумотга кўра, бу қувват билан TappLock 3 йил хизмат қила олади.

Мобиль илова қулф эгасини унинг очилгани ҳақида хабардор қилиб туради.

Гаджетга Indiegogo сайтида 49 доллардан буюртма бериш бошланди.

Бундан ташқари, TappLock’нинг арзонроқ бўлган Lite версияси ҳам мавжуд. У сувдан ҳимояланмаган ва унга бир марталик батарейкалар ўрнатилган. Ушбу моделнинг нархи – 39 доллар.