Бишкекнинг собиқ ҳокими Қубоничбек Қулматов Қирғизистондан вақтинчалик чиқиб кетади. Бу ҳақда у 11 февраль куни ўтказилган матбуот анжуманида хабар қилди.

“Қаерда бўлишим ҳозирча номаълум. Мен бир муддат Бишкекда, Қирғизистонда бўлмаслигим керак. Бу оилавий шароитлар билан боғлиқ. Шаҳар ҳокимсиз қолмаслиги учун истеъфо ҳақида қарор қабул қилинди”, - деди Қулматов.

Шунингдек, у ҳокимлик сайланадиган лавозим бўлгани учун ўзига меросхўр қидирмаганини айтди.