«Пари Сен-Жермен» жамоасининг аргентиналик ҳужумчиси Эсекьель Лавесси Хитойнинг «Хэбэй Форчун» жамоаси таклифини қабул қилган. Бу ҳақда 11 февраль куни Lequipe нашри хабар тарқатди.

30 ёшли футболчи ёзда эркин агентга айланиши мумкин эди. Шу туфайли парижликлар уни 6 млн евро эвазига сотишга рози бўлишган.

Бундан олдинроқ, Лавесси Хитойнинг «Шанхай Шеньхуа» жамоасидан тушган таклифни рад этиб, Италиянинг «Интер» жамоасига ўтиш вариантини кўриб чиқаётгани хабар қилинганди. Шунингдек, унинг «Челси»га ўтиши ҳақида хабарлар берилганди.

Лекин кейинги кунларда Хитойнинг яна бир жамоаси «Хэбэй Чайна Форчун» варианти пайдо бўлган ва бу жамоа футболчига 2 йиллик шартнома таклиф қилиб, унга йилига 15 млн евродан маош тўлашга рози бўлган.

Бундан олдинроқ, «Хэбэй Чайна Форчун» Гаэль Какута («Севилья»), Стефан Мбиа («Табзонспор») ва Жервиньони («Рома») харид қилиб улгурганди.

«Хэбэй Чайна Форчун» Лавессини харид қилиб, унга йилига 15 млн евро маош тўламоқчи

Лавесси Хитойнинг "Шанхай Шеньхуа" клубига ўтишга розилик берди

Лавесси Хитой жамоасига ўтиб, катта пул топишдан кўра "Интер"да ўйнашни маъқул кўрмоқда