Ниндзя лақабли чанада учишни яхши кўрувчи мушук интернет тармоқларининг юлдузига айланди. The Telegraph нашри берган маълумотга кўра, янги қаҳрамон Американинг Виржиния штатида яшайди. У қорни яхши кўради ва ўзи мустақил ҳолда чана орқали учишни билади.

Икки ёшли Ниндзя уйидан узоқда бўлмаган музликда чана учган. Унинг хўжайинлари айтишича, мушук эгаларининг муз устида учиб юришганини кўрган ва ўзи ҳам бу ишни амалга оширишга қарор қилган.

Мушук эгаларининг таъкидлашича, интернетда тарқалган видеотасвирлар Ниндзянинг биринчи марта чана учиши бўлган.