Шимолий Кореяда чегара яқинидаги Кэсон шаҳрида Жанубий Корея технопарки ёпилди. Бу ҳақда "Рёнхап" ахборот агентлиги маълум қилди.

Таъкидланишича, техкопаркнинг барча ходимлари олиб чиқиб кетилган. Таъкидланишича, қўшма саноат ҳудудида қолган Жанубий Корея фуқаролари Шимолий Кореяни тарк этишган.

Бундан ташқари, Шимолий Корея корхонанинг Жанубий Корея компанияларига тегишли бўлган барча қурилмалари, материаллари ва маҳсулотини тўлиқ музлатиб қўяди.

Вазирлик вакилининг айтишича, Жанубий Корея корхоналарининг иши Шимолий Кореянинг ҳарбий салоҳиятини ривожлантиришда ишлатилмаслиги керак. Бу чора Шимолий Корея учун жуда кескин чорадир, чунки Кэсондаги фаолият Пхеньян учун валюта манбаи ва Жанубий Корея билан деярли ягона қўшма лойиҳаси бўлган.

Аввалроқ Сеулда Шимолий Корея ракета учиргандан кейин Кэсон саноат ҳудудида фаолиятни тўлиқ тўхтатиш ҳақида қарор қабул қилингани маълум қилинганди.