Тошкент шаҳрининг Миробод туманида қурилган янги Политехника музейида "Андроид куни - инсонга ўхшаш илк робот" номли техник кўргазма ўтказилади. Бу ҳақда музейнинг фейсбукдаги расмий саҳифасида маълум қилинган.

Ташкилотчилар ҳақиқий шоу ваъда қилишмоқда. Ушбу маросим 24 февраль куни дунёдаги илк инсонга ўхшаш роботни яратган олим Жак де Вокансоннинг таваллуд куни муносабати билан ташкил этилади.

Роботлар кўргазмаси ва "Роботларнинг юлдузли жанги" шоуси тадбирнинг асосий қисми бўлиши режалаштирилган. Маросимда иштирок этувчиларнинг мурожаатлари 17 февраль кунига қадар қабул қилиниши белгиланган.