Канаданинг Сент-Кэтринс шаҳрида яшаб келган шахс 51 ёшида ўзининг асл исмини ва келиб чиқишини эслади. CNN телеканали хабарида айтилишича, у 1986 йилда, яъни 30 йил муқаддам хотирасини йўқотганди.

Хабар қилинишича, бу эркак ижтимоий муассасага келган ва ўз исми Эдгар Латьюлиплигини, ёшлигида Китченер шаҳрида яшаганини айтган. 1986 йилда у 21 ёшда бўлган ва у ақли ноқисликдан азият чеккан. У туғилган шаҳридан Ниагара шаршараси томон кетаётганида бошидан жароҳат олган ва барчасини унутган.

Узоқ вақт қидирувлардан кейин унинг онаси тақдирга тан бериб, ўғлининг жиноятчилар томонидан ўғирлаб кетилгани ҳақидаги тахминга кўнган.

30 йил давомида бедарак кетган деб ҳисоблаб келинган бу шахс Сент-Кэтринс шаҳрида яшаб ва ишлаб келган. Сент-Кэтринс ва Китченер шаҳарларини автомобилда 1,5 соат ичида босиб ўтиш мумкин бўлган масофа ажратиб туради.