Instagram ижтимоий тармоғи тез орада сервисга юкланган видеони неча маротаба кўрилганини билиш имконини берувчи ҳисоблагич ўрнатади, деб маълум қилди компаниянинг расмий блоги.

Янги ҳисоблагич “Like”лар сонини кўрсатувчи ҳисоблагич ўрнига қўйилади. Фойдаланувчилар “Like”лар сонини кўриш учун янги ҳисоблагични босиши керак бўлади.

Янги функция компаниялар ва машҳур инсонлар учун фойдали бўлади. Улар ушбу ҳисоблагич ёрдамида фойдаланувчиларга қайси мавзудаги видеолар манзур келаётганини билиб олишади.

Шунингдек, компаниянинг расмий блоги янги ҳисоблагич видео борасида жорий йилда амалга ошириладиган сўнгги ўзгариш эмаслигини маълум қилди.