General Motors автоконцернига тегишли Opel бренди 2017 йилда ўзининг илк электромобилини тақдим этади, деб хабар бермоқда концерн бош директори Мэри Баррга иқтибос келтирган ҳолда Bloomberg ахборот агентлиги.

Унинг айтишича, янги 5 ўриндиқли автомобиль Ampera-e деб номланди ва ҳамёнбоп нархларда сотилади. Машинанинг қайта қувватланишсиз ўтиш йўли кўрсаткичи кўпчилик электромобилларникидан юқорироқ бўлади.

Янги электромобиль компаниянинг янгиланган модель қатори доирасида тақдим этилади. Тахминларча, электромобиль 2014 йилда пайдо бўлган Volkswagen компаниясининг e-Up! ва e-Golf моделларига рақобатчи бўлади.

Янги моделда унинг салони поли остига жойлаштириладиган ясси аккумулятор ўрнатилади, бу салон ва юкхона учун кўпроқ жой қолдиришга имкон беради.