Венесуэла парламенти мамлакатда озиқ-овқат етишмаётгани сабабли озиқ-овқат соҳасида фавқулодда вазият эълон қилди. ТАСС ахборот агентлиги маҳаллий ОАВга иқтибос келтирган ҳолда хабар беришича, депутатлар мамлакат иқтисодиётидаги вазиятни жуда аянчли деб баҳоламоқдалар. Парламент маълумотларига кўра, ҳозирда озиқ-овқат соҳасида ҳеч нарса ишлаб чиқармаётган миллийлаштирилган корхоналар сони 300 тага етган. Фавқулодлда вазият киритиш таклифи муаллифи бўлган муҳолиф депутат Хулио Борхес асосий озиқ-овқат позициялари бўйича дефицит 87 фоизга етганини маълум қилди.      

Мамлакатда юзага келган озиқ-овқат инқирози сабабли муҳолифат депутатлари БМТнинг Озиқ-овқат ва қишлоқ хўжалиги ташкилоти ва ЮНИСЕФга мамлакатнинг 30 млн лик аҳолисини озиқ-овқат маҳсулотлари билан таъминлаш бўйича хатарларни баҳолаш учун мамлакатга экспертларни юбориш илтимоси билан мурожааат қилишган.