Буюк Британияда АҚШ Марказий разведка хизмати директори Жон Бренноннинг аккаунтини бузишда гумон қилинаётган ўсмир ҳибсга олинди, деб хабар бермоқда CNN телеканали.

Ўсмирнинг исми ошкор қилинмаяпти. Айнан у Cracka лақаби остида беркинган бўлиши тахмин қилинмоқда. Ўсмир буни инкор этмоқда.

Айни вақтда ўсмир гаров пули эвазига қўйиб юборилди, чунки унинг ёши туфайли унга қандай айбловлар қўйилиши аниқлаштирилмади.

АҚШлик амалдорлардан бирининг айтишича, МРБнинг киберхавфсизлик бўйича мутахассислари хакер қандай қилиб яширинча бузишни амалга ошириб, "изларни йўқотишга" муваффақ бўлганидан ҳайратланишмоқда.