Россиянинг Буюк Британиядаги элчихонаси Британия бош вазири Дэвид Кэмероннинг Россияни Украинага "бостириб кириш"да айблаган ва уни Шимолий Корея билан қиёслаган сўзларидан "ҳафсаласи пир бўлганини" ўзининг твиттердаги саҳифасида маълум қилди.

Бундан аввал Кэмерон Германия канцлери Ангела Меркель билан биргаликдаги кечки овқат пайтида "Россия Украинага бостириб кирадиган, Шимолий Корея каби назорат қилиб бўлмайдиган давлат ядровий қуролни синовдан ўтказадиган бу дунёда биз бу тажовузга қарши туришимиз ва бизнинг бутун иқтисодий қудратимиздан қоидаларга амал қилмайдиганларга ва бизнинг халқлар хавфсизлигига хавф солувчиларга босим ўтказишда фойдаланишимиз лозим", деб айтди.