Вашингтон томонидан Сурияга халқаро қўшинларнинг киритилиши имконияти қаралмаяпти, деб айтди АҚШ Давлат департаменти расмий вакили Жошуа Бейкер. Бу ҳақда "Интерфакс" ахборот агентлиги хабар бермоқда.

Бейкер бу ҳақда "Интерфакс-Казахстан" агентлигига берган интервьюсида айтиб ўтган.

Бейкернинг айтишича, АҚШда Сурияда қуруқликда операция ўтказиш учун ҳеч қандай режа мавжуд эмас.

"Фикримча, АҚШ Давлат котиби бошқа давлатлар билан қуруқликдаги операция имконини назарда тутмаган. Биз барчамиз Саудия Арабистонининг баёнотини кўрдик.Бироқ президент Обама айтганидек, АҚШ томонидан Сурияда қуруқликда операция ўтказиш бўйича ҳеч қандай режа йўқ", деб айтди Бейкер.

"Ўйлайманки, буни ҳеч ким истамайди. Бу фуқаролик уруши 4 йилдан кўпроқ давом этмоқда. Биз бу муаммони ҳал қилишни истаймиз ва халқаро қўшинлар бу вазиятда ёрдам бера олади, деб ўйламаймиз", деб қўшимча қилди Бейкер.