Ҳиндистоннинг Rifle Factory Ishapore компанияси 250 грамм оғирликдаги кичик калибрли револьвер ишлаб чиқарди. Муаллифларнинг таъкидлашича, бу қурол ўз тоифасидаги энг енгил револьвер ҳисобланади.

Револьвер алюминли қотишмадан тайёрланган. Компаниядагиларнинг ишонч билдиришича, бу металлнинг пишиқлиги пўлатникидан кам эмас.

Nidar номини олган бу револьвер узунлиги 14 сантиметрни ташкил қилади ва унинг стволи узунлиги 4 см. Унинг барабанига 22 калибрли 8та патрон жойлаш мумкин. Қуролдан узоғи билан 7 метр масофадан туриб фойдаланиш тавсия этилган.

Револьвер нархи 512 доллар атрофида экани айтилган. У биринчи навбатда аёллар учун ишлаб чиқарилгани айтилган.