Колумбияда 5 мингдан зиёдроқ ҳомиладор аёл Зика вируси билан касалланди, деб хабар бермоқда мамлакат ҳукумати.

Вирус билан касалланганларнинг умумий сони 31 мингдан ошиб кетди, деб хабар бермоқда Колумбия ҳукуматига иқтибос келтирган ҳолда Reuters ахборот агентлиги.

Бир ҳафта олдин вирус билан 25 мингдан кўпроқ одам, жумладан 3 минг ҳомиладор аёл касаллангани маълум қилинганди.

Зика безгаги маймунларда кузатилувчи ўткир юқумли касаллик бўлиб, баъзида одамларга чивинлар орқали юқади ва одам ҳаётига хавф туғдирмаган ҳолда кечади. Вирус айниқса ҳомиладор аёлларга хавфлидир, чунки ҳомилада микроцефалияни (бошнинг танага нисбатан номутаносиб равишдаги кичиклиги) келтириб чиқаради.