Хорижий ОАВлар шаҳзода Уильямнинг рафиқаси  Кейт Миддлтон кўзи ёриганига ҳали бир йил бўлмасдан яна ҳомиладор эканлиги ҳақидаги хабарни маълум қилишди. ОАВ маълумотларига кўра, қироллик оиласи эгизак фарзанд кутмоқда. Бу ҳақда aceshowbiz хабар бермоқда.

Дастлабки маълумотларга кўра, Кейт икки нафар қиз кўриши айтилган.

Эслатиб ўтамиз, Кейтнинг навбатдаги ҳомиладорлиги ҳақида 4 февралда маълум бўлди. ОАВ маълумотларига кўра, Кембриж герцогиняси 2 ойлик ҳомилага эга. Бу эса Британия тахтининг янги ворислари сентябрь ойида дунёга келишини англатади.

Шунингдек, Кейт учинчи ҳомиладорлигини унча яхши ўтказмаётгани айтилмоқда. Шу сабабли унинг расмий тадбирларда иштирок этиши жадвалига мунтазам равишда тузатишлар киритиб борилмоқда, бу эса бир қатор қийинчиликлар туғдирмоқда.

Маълумки, Кейт ва Уильямнинг ҳозирда икки фарзанди – бир ўғил ва бир қизи бор. Кейт қизини 2015 йилнинг 2 майида дунёга келтирганди.