14 февраль куни соат 14:00дан бошлаб олий олий таълим муассасаларининг талабаларидан иборат Ташаббускор ёшлар клуби томонидан ташкил этилаётган акция ўтказилади.

Шу куни ўзбекистонлик Twitter фойдаланувчилари буюк мутафаккир ва давлат арбоби Заҳириддин Муҳаммад Бобур таваллудининг 533 йиллигига аталган #BoburDay ҳештегини дунё трендига олиб чиқишга ҳаракат қилишади.

Ушбу акцияда барча ижтимоий тармоқ фаоллари #BoburDay ёзувини қўллаган ҳолда пост қолдириб, ўзларининг муносиб ҳиссаларини қўшиши мумкин.

Уларга ўзбек эстрадаси, кино санъатининг ёрқин вакиллари ҳамда шоу-бизнеснинг бошқа вакиллари ҳам яқиндан ёрдам беришни ваъда қилишган.

 

Эслатиб ўтамиз, ўзбекистонлик ёшлар 9 февраль куни Twitter микроблогида яна бир буюк аждодимиз Алишер Навоий таваллудига аталган #Navoiy575 ҳештегини дунё трендига олиб чиқишга эришган эди.