Toyota компанияси Tacoma пикапининг янги модификацияси – TRD Pro‘ни намойиш қилди. Шу тариқа, компаниянинг энг кучли йўлтанламаслари моделлар қатори учта моделга етди. Аввал унга Tundra ва 4Runner модделари кирганди. Янги машина Чикаго автосалонида намойиш қилинди.

Модель 3,5 литрли, 6 цилиндрли бензинли двигатель билан жиҳозланган, унинг қуввати 281 от кучи ва 360 Нм айланиш лаҳзасини ташкил қилади. Двигатель 6 поғонали механик ёки автоматик узатмалар қутиси билан биргаликда ишлайди.

Янги "Такома"нинг ташқи кўринишидаги ўзгаришлар Goodyear Wrangler All-Terrain Kevlar покришкали 16 дюймли ғилдирак дисклари, кузов олди қисмининг алюминийдан ишланган ҳимоя элементлари, ёруғлик-диодли туманга қарши фаралар, орқа ва олд оптиканинг қора ҳошия билан ўраб чиқилгани, TRD Pro шильдикларини ўз ичига олади. 

Техник ўзгаришлар эса  FOX амортизаторлари ва TRD пружиналаридан ташкил қопган.

Машина ичида қора чарм билан ишланган ўриндиқлар ва кўп функцияли рул чамбари, Entune аудиотизими, узатмалар қутиси селектори ва TRD гиламчалари пайдо бўлди.

АҚШда ишлаб чиқарилиши йўлга қўйиладиган янги модель 2016 йил кузида сотувга чиқади.