"Мажнун" фильми режиссёри: Мухлислар кинога фақат актёрларнинг чиройли қошу кўзи учун тушишмайди

Маданият 14 Февраль 2016 11852

Сўнгги кунларда ОАВда ва ижтимоий тармоқларда Жаҳонгир Аҳмедов режиссёрлигидаги "Мажнун" фильми атрофида турли шов-шувлар кенг тарқалди.

Аввалига фильмда бош қаҳрамонни ижро этган таниқли актёр Улуғбек Қодиров суратга олиш ишларида ўзи кутилмаган қийин синовлардан ўтишига тўғри келгани ҳақида норозилик билан баён қилган ва бу ҳақда батафсил маълумот сўралганида, режиссёрга мурожаат қилишни тавсия этганди.

"Мажнун"— бу сўнгги ролимга айланиши мумкин эди", дея ёзганди актёр ўз инстаграмида.

Шунингдек, у ўзининг фильм премьерасига бориши ҳам сўроқ остида эканини қўшимча қилганди.

Режиссёр эса шу ва бошқа саволларга ўз инстаграмида ҳам батафсил жавоб қайтарган.

"Аввалига хурсанд бўлгандим. Нима бўлганда ҳам фильм ҳақида ёзишмоқда ва буни мухлислар ўқишмоқда деб. Лекин воқеалар ривожи кескинлашиб кетди. @Kun.uz мендан изоҳ сўради, мен шу ерда жавоб бераман".

У Улуғбек Қодировнинг норозиликларига "Мажнун" фильмини суратга олиш вақтида у ҳақиқий бўрилар билан юзма-юз келгани сабаб бўлиши мумкинлигини айтган.

"Агар гап ҳақиқий бўрилар ҳақида бўлса, тан оламан шундай бўлди. Тан оламан, улар билан ишлаш жуда хавфли бўлди. Бутун ижодий гуруҳ мана шундай шароитда ишлади. Ахир мухлислар учун шундай қилиш керак. Улар ҳаётий ва сифатли фильм кўришлари керак. Буни қанчалик уддаладик, албатта томошабин ҳал қилади", дейди у.

У Улуғбек Қодировнинг премьерага келмаслиги мумкинлиги ҳақидаги саволга жавоб қайтарган.

"Улуғбекнинг бу фильм яратилишида кўп меҳнати сингди. Фильмнинг суратга олиш ишлари жараёнида 1 ойни Жиззах тоғларида ўтказдик. Улуғбек фильм тайёрланиши учун талаб қилинган барча ишларни сидқидилдан бажарди, 1 ҳафта от минишни ўрганди. Жараёнда у ўз маҳоратини яна бир бор намоён этди.

Келишмовчиликларни эса у билан алоҳида гаплашиб, ҳал қилиб оламиз. Лекин, у албатта премьерага келса керак", дейди режиссёр.

Шунингдек, таҳририят режиссёр билан телефон орқали боғланди.

У бугунги кунда барча соҳада тўхтовсиз ривожланишлар кетаётгани борасида тўхталиб, ўзбек киносида ҳам актёрларнинг суратга олиш жараёнида жонли ва хавфли саҳналарда каскадёрларсиз, ўз маҳоратини кўрсатган ҳолда иштирок эта бошлаши даври келганига урғу қаратди.

У ўзининг ўзгача руҳда ва шаклда ишланган янги фильми ҳақида муносабат билдириб, қуйидагича изоҳ беради.

"Ахир қачонгача мухлислар кинога фақат актёрларнинг чиройли қошу кўзини кўриш ёки чиройли овозларини эшитиш учун тушишади. "Мажнун" фильмида мухлисларга ўзбек киносининг янги қирраларини кўрсатиб беришга ҳаракат қилдик".

Кун янгиликлари
Банкдаги конвертация машмашаси: «Рўйхатда йўқлар»га хизмат йўқми?
16:50 / 22.08.2017 50741 Ўзбекистон
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 66695 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 35628 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 20424 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 77540 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 60923 Жамият
Ўзбекистонда энергия тежовчи миллий компания компания тузилди
Таиландга қизларни юбориш билан шуғулланган самарқандлик “одамфуруш” аёл ушланди 
Ҳукумат ўқитувчи ва шифокорларни пахта теримига жалб этишни тақиқлади
103 ёшли камбожалик аёл АҚШ фуқаролигини қабул қилди
20:25 508 Жаҳон
Кўпроқ янгиликлар