Саудия Арабистони Ташқи ишлар вазири Одил ал-Жубайр CNN телеканалига берган интервьюсида Суриядаги сиёсий вазиятни сиёсий йўл билан тузатишга Башар Асаднинг халақит қилаётгани ҳақида айтиб ўтди.

"Менинг тахминимча, Башар Асад кучсизланган ва унинг даври ўтган", дейди у.

Унинг сўзларига кўра, аввалига Асадни ўз қўшинлари қутқариб қола олмаслиги аёнлашгач, Ироқ ва Эрон ёрдамга келди, лекин улар ҳам Асаднинг Суриядаги назоратни ўз қўлига қайтариши учун етарли бўлмади.

"Шундан кейин Асад Россияга ёрдам сўраб юзланди, лекин руслар ҳам уни қутқара олишмаяпти.

Мамлакатнинг бундай аҳволга тушишига бош айбдор бўлган инсонга унинг келажагида ўрин йўқ", дейди саудиялик вазир.

"Башар Асад кетади. Бунга шубҳам йўқ. Агар у сиёсий музокаралар орқали кетмаса, ҳарбий куч билан кетказилади. Сурия халқи уни давлат раҳбари сифатида кўришни истамаяпти", дейди ал-Жубайр.

Унинг сўзларига кўра, Саудия Арабистони Сурияга қуруқликдаги қўшинларини юборишга тайёр. Унинг таъкидлашича, Саудия Арабистони Сурияда АҚШ бошчилигидаги халқаро коалициядан мустақил равишда ҳаракат қилишни режалаштирган.

ОАВ: Саудия Арабистони Туркиядаги ҳарбий базага 20та ҳарбий самолётини жойлаштирди

Саудия Арабистони Сурия яқинидаги турк базасига қирувчи самолётлари келганини тасдиқлади