Саудия Арабистони ташқи ишлар вазири Одил ал-Жубайр Россия Сурия президенти Башар Асадга у Москвадан кутаётган кўмакни кўрсата олмаслигини айтди. Бу ҳақда Reuters ахборот агентлиги хабар қилди.

"Энди Асад уни қутқара олмайдиган Россиядан ёрдам кутмоқда", деб айтди ал-Жубайр. Унинг айтишича, Асадни қўллаб-қувватлашга уринишлар, жумладан Эрон томонидан, "муваффақиятсизликка учраганди".