Австрия ҳукумати "хавфсиз давлатлар" рўйхатини кенгайтиришга қарор қилди. "Хавфсиз давлатлар"дан келган муҳожирлар қочқин эмас, балки "меҳнат муҳожирлари" деб тан олинади, улар бошпана олиш ҳуқуқига эга бўлмайдилар. Бу ҳақда Австрия ички ишлар вазирлигининг АПА ахборот агентлиги томонидан тарқатилган расмий баёнотда айтилмоқда. Бу рўйхатдан Жазоир, Марокаш, Тунис, Грузия, Гана ва Мўғулистон ҳам жой олди.

Вазирликда бу чора Австрияга келаётган муҳожирларнинг бошпана олишга аризаларини кўриб чиқишнинг самарадорлигини оширишга имкон беради, деб умид қилмоқдалар. Австрия ички ишлар вазири Йоханн Микль-Ляйтнернинг таъкидлашича, рўйхатнинг кенгайтирилиши қочқинларни Австрияга келишдан чўчитиши керак. "Меҳнат муҳожирлари вазиятида Австрияда улар ҳимоя олмасликларига аниқ сигнал бериш лозим", деб айтди вазир.

Аввалроқ Австрия ҳукумати муҳожирлар томонидан талаб катта бўлган йўналишлардан бирида жойлашган Болқон давлатлари: Албания, Босния ва Герцеговина, Македония, Сербия, Черногория ва Хорватияни "хавфсиз" давлатлар деб топганди.