14 февраль оқшомида Испания чемпионатининг 24-тури доирасида "Барселона" ўз майдонида "Сельта"ни қабул қилди ва 6:1 ҳисобидаги йирик ғалабага эришди.

Қайд этиш керакки, биринчи бўлим дуранг ҳисоб билан якунланганди. 28-дақиқада Месси ҳисобни очган бўлса, 39-дақиқада Гвидетти пенальтидан вазиятни тенглаштирди.

Иккинчи бўлимда Суарес учта гол урди. Унинг хет-триги, Ракитич ҳамда Неймарнинг биттадан голлари амалда ҳисоб йирик кўриниш олишига олиб келди.

Эндиликда, Луис Энрике шогирдлари 57 очко тўплаган ҳолда турнир жадвалида яккапешқадам бўлиб туришибди. Каталонияликлардан битта кўп ўйин ўтказган ҳолда 54 очко тўплаган "Атлетико" иккинчи ўринда. Саккизинчи ўринда жойлашган "Сельта" ҳисобида эса 35 очко бор.

Испания чемпионати, 24-тур
Барселона – Сельта 6:1 (1:1, 5:0)
Голлар: 1:0 – 28 Месси, 1:1 – 39, пенальти Гвидетти, 2:1 – 59 Суарес, 3:1 – 75 Суарес, 4:1 – 81 Суарес, 5:1 – 84 Ракитич, 6:1 – 90 Неймар.
Барселона – Браво, Дани Алвес (Алеиш Видаль, 61), Пике, Маскерано, Альба, Серджи Роберто (Ракитич, 61), Бускетс, Иньеста (Туран, 78), Месси, Суарес, Неймар.
Сельта – Альварес, Мальо, Кабраль, Кастро, Планас, Васс (Диоп, 83), Радоя, Эрнандес (Диас, 65), Бовю, Гвидетти (Дражич, 78), Хосеп Сенье.
Огоҳлантиришлар: Кабраль (11), Планас (26), Мальо (42), Хосеп Сенье (74).