Москва ғарбида ўғрилар аёлга ташланиб, ичида 32 миллион рубль пули бўлган сумкасини тортиб олишган, деб хабар беради ТАСС.
Воқеа Кутузовский проспектида валюта алмаштириш шаҳобчасида содир бўлган. Пулни олиб қочган босқинчилар кетган машина русуми ва рақами маълум.

Февраль ойи бошида Кутузовский проспектида учта номаълум шахс нафақахўрнинг банкомат олдида миллион рубль пулини ўмариб кетишган. Ҳуқуқни муҳофаза қилиш органларининг маълумотига кўра, жиноятчилар банкоматда йирик миқдорда пул ечиб олаётган одамларни кузатиб юришган.

Аввалроқ ўзларини пенсия жамғармаси ишчилари деб таништирган ўғрилар москвалик нафақадаги аёлнинг уйига кириб, 1,5 миллион пулини талон-тарож қилишган.