Россияда Зика вирусидан зарарланган биринчи бемор аниқланди. Бу ҳақда мамлакат истеъмолчилар ҳуқуқлари ва инсон саломатлигини ҳимоя қилиш хизмати хабар тарқатди.

Хабарда қайд қилинишича, ҳозирда ушбу вирус билан хасталанган бемор алоҳида стационарда сақланмоқда. Унинг ҳолати яхши экани айтилган.

«Бемор Доминикан Республикасида дам олишда бўлган. Москвага келганида дастлаб унда клиник хасталик омиллари аниқланмаган. Бироз ўтиб эса унинг иссиғи чиққан ва баданида ҳар хил тошмалар пайдо бўлган», — дейилади хабарда.

Бемор аёл зудлик билан шифохонага ётқизилган. Олиб борилган лаборатория текширувлари натижасида бемор Зика вирусини юқтириб олгани аниқланган.