Цюрих университети маълумотига кўра, Швейцария қутқарув хизматига бир йилда ўртача 1000 та ўрмонда йўқолиб қолган одамлар ҳақида мурожаат қилинади. Шу университет изланувчилари ҳамда Италия сунъий идрокни ўрганувчи IDSIA Институти мутахассислари билан ҳамкорликдаги сай-ҳаракатлар натижасида ўрмон шароитида ҳаракатлана оладиган дрон (учувчисиз учадиган мослама) дунёга келди.

Квадрокоптер (диагонал қарама қарши йўналишларда харакатланувчи бир неча ихтиёрий винтларга эга учувчи мослама) камералари ёрдамида ўз атрофини ўрганиб чиқади, одам изларини қидиради ва айнан шу излар бўйлаб харакатланади. Бундай мосламалар ёрдамида ўрмонда адашиб қолган одамларни қидириш жараёни анча тезлашади ва енгиллашади.

“Биз автоном дронлар юқорида, ҳеч қандай тўсиқ бўлмаган жойларда учишига ўрганиб қолганмиз. Мураккаброқ шароитда, масалан, ўрмонда эса уларнинг харакатланиши анча қийинлашади. Бундай ҳолларда ҳатто энг кичик хато ҳам мосламанинг ишдан чиқишига сабаб бўлиши мумкин, шу сабабли уни ўраб турган муҳитни тўғри қабул қилиши учун унга ўта “ақлли мия” керак”, - дейди Цюрих университети профессори Девид Скарамуцца.

Ўтказилган тажрибалар, синовлар натижасида квадрокоптер 85 фоиз ҳолатларда одам изларини муваффақиятли топган. Ушбу синовларда иштирок этган одамлар 82 фоиз ҳолатлардагина одам юрган йўлакларни топганларини инобатга олинса, лойиҳа омадли ҳисоблаш мумкин.