"Арсенал"нинг собиқ ҳужумчиси Тьерри Анрининг фикрича, "Манчестер Сити" жамоасида ички муаммолар мавжуд, чунки "Тоттенхэм" билан учрашувда жамоанинг бирорта ҳам ўйинчиси ёш ҳужумчи Келечи Ихеаначонинг голини у билан нишонламади. "Шаҳарликлар" учрашувнинг 53-дақиқасидан минимал ҳисобда ютқазаётган эдилар, 74-дақиқада нигериялик футболчи ҳисобни тенглаштирди. Бироқ шунга қарамай, шаҳарликлар учрашувни 1:2 ҳисобида ютқаздилар.

"Ҳисоб тенглашди, бироқ "Сити"дан ҳеч ким голни Ихеаначо билан нишонлагани бормади. У бурчақдаги байроқ олдида бир ўзи урган голини нишонлади. Компани ва яна кимдир унинг ортидан чопа бошлагандек туюлди, бироқ кейин тўхтадилар. Балки мен "Ман сити" борасида ниманидир ошириб юбораётгандирман, бироқ жамоадан ҳеч ким Келечи билан голни нишонлагани бормади ва бу бироз ғалатироқ", деб Анри айтган сўзларни келтириб ўтди Sky Sports нашри.