Аргентинанинг Кордоба шаҳридаги ўйин вақтида 48 ёшли ҳакам Сезар Флорес ҳаётдан кўз юмди. У ўзи бошқараётган ўйин вақти футболчилардан бирига қизил карточка кўрсатганидан сўнг ўша футболчи томонидан отиб ўлдирилган. Бу ҳақда goal.com нашри хабар бермоқда.

Бу воқеа қайси жамоалар ўртасидаги қайси турнир доирасидаги ўйинда юз берганига аниқлик киритилмаган.

Унинг ҳаётига қасд қилган футболчининг номи сир тутилган. У ҳакамнинг боши, бўйни ва кўкрагига 3та ўқ узган.

48 ёшли Сезар ўша жойнинг ўзида жон берди. Шунингдек, майдондаги футболчилардан бири Уолтер Сарате ҳам воқеа пайтида жароҳат олган ва шу заҳоти шифохонага етказилган. Унинг ҳаёти хавф остида эмаслиги айтилган.

Ўқ узиб қочиб кетган футболчи полицияси томонидан қидирилмоқда.

5 йил олдин Венесуэлада ўйин вақтида ҳакам Тимолеон Кастильони 3 ўқ билан ўлдиришганди. Ўшанда қотилликни трибунадаги мухлислардан бири содир этганди.