БМТ бош котиби Пан Ги Мун Суриядаги 5 та шифохона ва 2 та мактабнинг ракета билан ўққа тутилиши оқибатида 50 га яқин тинч аҳоли вакили ҳалок бўлганини маълум қилди, деб хабар бермоқда Chicago Tribune нашри.

БМТ бош котибининг расмий вакили Фархон Ҳақнинг айтишича, ҳалок бўлганлар орасида болалар бор.

Ҳақнинг таъкидлашича, Пан Ги Мун шифохона ва мактабларнинг ўққа тутилишини "халқаро ҳуқуқнинг чидаб бўлмас қоидабузарлиги" деб атаган.

"Чегара билмас шифокорлар" ташкилоти кўмак кўрсатадиган шифохонанинг ўққа тутилиши оқибатида 7 киши ҳалок бўлди. Суриянинг Россиядаги элчиси Риёд Ҳаддод "Россия 24" телеканалига берган интервьюсида шифохонага зарбалар АҚШ самолётлари томонидан берилганини айтди.