British Airways авиакомпанияси парвоз вақтида йўловчилардан ёнғоқ, жумладан, ёрёнғоқ истеъмол қилишдан воз кечишни илтимос қилади. Бу ҳақда Metro нашри хабар бермоқда.

Йўловчиларга самолёт бортига ёнғоқ олиб чиқишга рухсат берилади, бироқ авиаташувчи парвоз вақтида йўловчиларга ёрёнғоқ таклиф қилмайди ёки сотмайди ҳамда аллергияси бор йўловчилардан бундан самолётдаги ходимларни хабардор қилиш сўралади.

Компания матбуот котибининг айтишича, айни вақтда компания ўз сиёсатини янгиламоқда. Унда қўшимча чора сифатида йўловчилардан ёнғоқли маҳсулотларни истеъмол қилишдан тийилиш сўралади. Янги қоида 18 февралдан кучга кириши кутилмоқда.

British Airways‘нинг бу қарори озиқ-овқат аллергиясидан азият чекувчилар учун катта ғалаба деб аталди.