Германия канцлери Ангела Меркель Stuttgarter Zeitung нашрига берган интервьюсида Сурияда парвозлардан холи ҳудуд яратишни қўллаб-қувватлашини маълум қилди.   

"Юзага келган вазиятда парвозлардан холи ҳудуд сингари курашаётган кучлардан бири ҳавода ҳужумлар ўтказмайдиган ҳудуд яратилса фойдали бўларди", деб айтди Меркель.

Меркелнинг айтишича, бундай музокараларни ИШИД жангарилари билан ўтказишнинг иложи йўқ. "Бироқ бундай келишув Асадга қарши курашаётган коалиция ва Асад тарафдорлари билан тузилганда бу фойдали бўларди", деб қўшимча қилди Меркель.

Аввалроқ НАТО бош котиби Йенс Столтенберг Сурия ҳаво ҳудудида парвозсиз ҳудуд киритиш зарурияти борлигини кўрмаётганини айтганди.

Туркия президенти Ражаб Тойиб Эрдўған эса 2015 йил декабрда Туркия Сурияда парвозсиз ҳудуд яратилишини талаб қилишини айтганди.