«Реал»нинг собиқ футболчиси, ҳозирда жамоа бош мураббийи Зинедин Зиданга ёрдамчилик қилаётган Роберто Карлос мадридликларнинг «Барселона»дан кучлироқ эканини далиллашга уриниб кўрди.

Унинг фикрича, «Реал» фақат 3 кучли футболчиси эсланадиган «Барселона»дан кучлироқ.

«Испаниядаги чемпионлик пойгаси ҳали якунлангани йўқ. Шунингдек, бу икки жамоа ЕЧЛда ҳам ўзаро пинҳоний курашни давом эттиради. «Реал» бу «Реал».
«Барселона» ҳақида гапирилганида хаёлга фақат 3 футболчининг номи келади. «Реал»да эса бир гуруҳ кучли футболчилар борки, қайси биридан бошлашни билмай қоласиз. «Реал» таркиб борасида албатта «Барселона»дан кучлироқ. Шоуга эса футболда жой йўқ.

Мессининг пенальтиси ҳақида тўхталадиган бўлсак, агар бу ишни «Реал» футболчиси амалга оширганида бошқа жамоадошлари уни рақибга ҳурматсизлик қилганликда айблаган бўларди» - дея қайд этиб ўтади Карлос.