16 февраль кунининг биринчи ярмида Россиянинг Ярославль шаҳрида кўп қаватли уйда портлаш содир бўлиб, подъезд қулаган.

"РИА Новости" агентлиги шаҳар ҳуқуқ-тартибот органларига асосланиб, маълум қилишича, бу портлаш бинодаги 25та уйга таъсир кўрсатган ва 4 кишининг ўлимига олиб келган.

"25та квартира зарарланган. Шундан 5таси бутунлай бузилиб кетган, 20тасига қисман шикаст етган", дейилади хабарда.

Ҳудуд губернатори Сергей Ястребов маҳаллий телевидение эфири орқали бу маълумотларни тасдиқлаган.

Дастлабки хабарларда бинонинг тўртинчи қаватида газ ускунасидаги носозлик туфайли портлаш содир бўлган.

5 қаватли бинонинг вайрон бўлган секциясида 10та хонадон жойлашган эди. Портлаш оқибатида подъезд қулаб, бинонинг бир қисми вайрон бўлган.

Харобалар остидан 3 кишининг жасади чиқариб олинган. Бундан ташқари, шифохонага олиб кетилган жабрланувчилардан бири оламдан ўтган. Яна уч кишига тиббий ёрдам кўрсатилмоқда.

Портлашдан олдин бинода қанча киши бўлгани ҳақида аниқ маълумот йўқ. Воқеа жойида махсус гуруҳлар иш олиб боришмоқда. Қўшни подъездларда истиқомат қилувчи одамлар эвакуация қилинган.