17 февраль оқшомида Туркия пойтахти Анқара шаҳрида юз берган портлаш натижасида камида 5 киши ҳалок бўлган ва 10дан ортиқ киши жароҳатланган. Бу ҳақда шаҳар жойлашган вилоят губернатори Меҳмет Қиличларга асосланиб, Hürriet агентлиги хабар тарқатди.

Портлаш ҳарбийлар яшайдиган ётоқхона биноси олдига юриб келган автомобилдаги портловчи қурилманинг ҳаракатга келтирилиши орқали рўй берган.

Портлашдан кейин бинода ёнғин чиққан, бино томида баланд қора тутун устуни пайдо бўлган.

Воқеа жойида тиббиёт ходимлари, ўт ўчирувчилар ва қутқарувчи гуруҳлар иш олиб боришмоқда.

Ҳодиса ҳақида мамлакат бош вазири Аҳмад Довудўғли расман хабар берган. Ҳукумат партияси вакилларидан бири бу портлашни теракт сифатида баҳолаган.

Анқарада кучли портлаш содир бўлди

Анқарадаги портлаш қурбонлари сони 11 кишига етди

Анқарадаги портлаш қурбонлари сони 20 нафардан, жароҳатланганлар сони 60 нафардан ошиб кетди