Apple корпорацияси 10-12 млрд долларлик облигация чиқармоқчи, деб хабар бермоқда MarketWatch агентлигига иқтибос келтирган ҳолда Vestifinance.ru сайти. Бу компаниянинг 2013 йилдан бери бешинчи кўп миллиардлик облигацияларни чиқариши бўлади.

Манбаларга кўра, "Apple" облигацияларни 30 йиллик муддатда узиш билан жойлаштиришни режалаштирилмоқда, уларнинг даромадлиги АҚШ ғазначилиги облигацияларининг даромадлигидан 2,15 фоизга юқорироқни ташкил қилиши мумкин. Компания шунингдек 7 йиллик "яшил" облигациялар – тоза энергияга инвестиция қилиш орқали узиладиган қимматбаҳо қоғозларни чиқармоқчи.

Apple январь охирида 2016 молиявий йилнинг 1-чорагида (2015 йилнинг откябрь-декабрь ойлари) рекорд даражада фойда олганини маълум қилди. 1-чоракда компания даромади 75,9 млрд долларни, соф фойда эса 18,4 млрд долларни ташкил қилган. Таққослаш учун, ўтган йилнинг 1-чорагида даромад 74,6 млрд долларни, соф фойда эса 18 млрд долларни ташкил қилганди.

Компания 2016 молиявий йилнинг 1-чорагида 74,8 млн дона iPhone сотишга муваффақ бўлди. Таъкидлаш жоизки, ундан аввалги чоракда Тим Кук компанияси деярли шунча, яъни 74,5 млн дона iPhone сотган эди, бу эса компания смартфонлари савдоси ўзининг энг юқори даражасига эришган бўлиши мумкинлигини англатади.