Туркия президенти Ражаб Тойиб Эрдўған ва Саудия Арабистони қироли Салмон ибн  Абдулазиз ал-Сауд телефон орқали суҳбатда Суриядаги ихтилофни муҳокама қилишди, деб хабар бермоқда Туркия ҳукуматидаги манбага иқтибос келтирган ҳолда Reuters ахборот агентлиги.

Сиёсатчилар "Ҳалабдан шимол томонда Россия ва Сурия ҳукумат қўшинларининг ҳужумлари" билан боғлиқ вазият хавотирли эканлиги ҳақидаги фикрга келишди. Бундан ташқари, улар Суриядаги ихтилоф Басар Асад бошқаруви вақтида ҳал қилиб бўлинмайди, деган хулосага қелишди.  

Эрдўған ва қирол Ал-Сауд минтақадаги гуманитар аҳволни ёмонлаштирадиган, тинч аҳолига  ҳужумларни тўхтатиш ва қамал қилинган шаҳарларни озод қилишга чақирдилар.

Бундан ташқари, улар Сурия шимолидаги курдларнинг ҳужумлари ва Туркия армиясининг жавоб ҳаракатларини муҳокама қилишди.