Эрдўғон Суриядаги курдларга қарши ўт очишлар давом этишига ваъда берди.

Расмий Анқара Суриядаги курдлар томонидан қилинаётган ҳужумларга жавобан уларнинг базаларини ўққа тутишда давом этади. Бу ҳақда Туркия президенти Ражаб Тойиб Эрдўғон маълум қилган.

Унинг фикрича, "Курдистон ишчилар партияси" ва Суриядаги курдлар ўртасидаги қалин алоқаларни эътиборга олмасликни "душманона ҳаракат" сифатида баҳоланади.

Эрдўған ўз навбатида яна бир марта АҚШ ҳукумати ёки Туркия ёки курдларни танлаши кераклигини таъкидлаган.

Туркия артиллерияси тўрт кундан буён Миннеҳ авиабазасидаги курд кучлари жангариларини тўхтовсиз ўққа тутмоқда.

"Биз ҳеч қачон ортга чекинмаймиз. Бизнинг чекинишимиз ҳеч кимнинг хаёлига ҳам келмасин. Суриялик курдлар томонидан бўладиган ҳар битта ўқ узишга қаторасига ўқ узишлар билан жавоб қайтарамиз", деб таъкидлади Эрдўғон чоршанба куни Анқара қишлоқларидаги маъмурият вакиллари билан учрашув вақтида.

2011 йилнинг март ойидан буён Сурияда давом этиб келаётган қуролли можароларда БМТ маълумотларига кўра, 220 мингдан зиёд киши ҳалок бўлган. Ҳудудда ҳукумат жангчилари ҳамда ИШИД ва "Жабҳат ан-Нусра" каби турли террорчилик уюшмалари ўртасида тўхтовсиз жанглар давом этмоқда. Курдлар ҳам бу низоларнинг бир томонида турибди.